Dermatolegydd

Dr Timothy Howel Clayton

Mae Dr Timothy Howel Clayton yn Ddermatolegydd Ymgynghorol profiadol ac arobryn sy’n ymarfer ym Manceinion. Mae wedi’i hyfforddi’n llawn mewn dermatoleg oedolion a phediatrig ac wedi’i restru ar gofrestr arbenigwyr y Cyngor Meddygol Cyffredinol (GMC). Mae ganddo dros 20 mlynedd o brofiad mewn dermatoleg glinigol ac mae wedi bod yn ddermatolegydd oedolion a phediatrig ymgynghorol ers 2007.

Cafodd Tim ei enwi gan Times of London fel un o’r 100 meddyg plant gorau yn y Deyrnas Unedig, ac mae wedi cyhoeddi dros 50 o lawysgrifau ac wedi ymddangos yn rheolaidd ar BBC, ITV a rhaglenni dogfen eraill.

Mae wedi bod yn ddermatolegydd ymgynghorol yn y GIG ers 2006 ac mae’n gweithio yn Ymddiriedolaeth Sefydledig GIG Brenhinol Salford ac yn Ysbyty Plant x Brenhinol Manceinion. Mae ganddo brofiad helaeth ym mhob agwedd ar ddermatoleg feddygol a llawfeddygol

Mae ganddo deulu yng Ngogledd a De Cymru ac mae’n dysgu siarad Cymraeg.

Dr Siân Hickey

Mae Dr Siân Hickey yn Ddermatolegydd Ymgynghorol profiadol iawn sy'n ymarfer yn Ysbyty St Helens. Mae hi wedi gweithio yn y GIG ers 25 mlynedd, 15 mlynedd fel Ymgynghorydd yn trin pob agwedd ar Ddermatoleg oedolion. Mae ei diddordebau yn cynnwys cyflyrau croen diniwed (benign), canser y croen a chlefydau croen llidiol fel ecsema, psoriasis, acne a rosacea. Clefyd croen organau cenhedlu menywod yw ei his-arbenigedd. Mae hi ar Gofrestr Arbenigwyr y GMC, yn aelod o Goleg Brenhinol y Meddygon, Cymdeithas Frenhinol y Dermatolegwyr a Chymdeithas Dermatoleg Gogledd Lloegr. Mae hi'n ddwyieithog a'r Gymraeg yw ei hiaith gyntaf. Cafodd ei magu yng Ngogledd Cymru ac mae ei theulu oll dal yn yr ardal.

Dr Jennifer Sharif, Dermatolegydd Ymgynghorol

Mae Dr Jennifer Sharif yn Ddermatolegydd Ymgynghorol gyda swydd GIG llawn amser yn Salford. Mae hi’n darparu gofal cynhwysfawr ar draws pob agwedd ar ddermatoleg gyffredinol oedolion, gydag arbenigedd penodol mewn diagnosis a rheoli cyflyrau croen llidiol a briwiau croen diniwed.

Mae Dr Sharif hefyd yn ymgymryd â chlinigau dermatoleg pediatrig rheolaidd ac mae ganddi brofiad helaeth mewn gofalu am blant a phobl ifanc gyda chlefyd ar y croen. Mae hi’n aelod craidd o’r tîm amlddisgyblaethol ar ganser y croen (MDT) ac yn brofiadol iawn yn asesu a rheoli canserau croen.

Ochr yn ochr â’i gwaith clinigol, mae gan Dr Sharif ddiddordeb cryf mewn datblygu gwasanaeth a llywodraethiant glinigol. Roedd hi’n arfer bod yn Arweinydd Llywodraethiant Dermatoleg a hi yw Arweinydd Clinigol presennol Gwasanaeth Dermatoleg Stockport.

Mae Dr Sharif yn aelod o Gymdeithas Dermatolegwyr Prydain a Chymdeithas Dermatoleg Bediatrig a Llencyndod Prydain.

Dr Jonathan Bertalot BSC MBBS MRCS MCEM MRCGP DPD

Meddyg Arbenigol mewn Dermatoleg ac Ymarferydd Cyffredinol gyda Rôl Estynedig (GPwER) mewn Rheoli Briwiau Croen

Enillodd Dr Bertalot radd o Goleg Imperial, Llundain yn 2002. Hyfforddodd yn gyntaf mewn Llawfeddygaeth yn Ysbyty Prifysgol, Birmingham, a daeth yn Aelod o Goleg Brenhinol y Llawfeddygon ac yn Aelod o’r Coleg Meddygaeth Frys. Yn ddiweddarach, hyfforddodd mewn Ymarfer Cyffredinol, gan ddod yn Aelod o Goleg Brenhinol yr Ymarferwyr Cyffredinol.

Mae wedi canolbwyntio ar gyflyrau croen ac wedi datblygu arbenigedd sylweddol ym maes asesu a rheoli briwiau croen. Treuliodd flwyddyn yn Awstralia yn ennill mwy o brofiad a hyfforddiant yn rheoli canser y croen a llawfeddygaeth croen.

Cafodd ei achredu gan Gymdeithas Dermatolegwyr Prydeinig fel Ymarferydd Cyffredinol gyda Rôl Estynedig mewn Rheoli Briwiau Croen - y cyntaf yng Nghymru i gyflawni'r achrediad hwn. Mae'n dysgu meddygon eraill yn rheolaidd ac wedi cyflwyno darlithoedd a chyrsiau mewn digwyddiadau lleol a chenedlaethol. Mae'n aelod o’r Gymdeithas Dermosgopi Ryngwladol (IDS), Cymdeithas Llawfeddygaeth Dermatolegol Prydain (BSDS) a’r Gymdeithas Llawfeddygon mewn Gofal Sylfaenol (ASPC).

Gall Dr Bertalot gynnig archwiliadau llawn ar y croen a monitro mannau du (moles) yn ogystal â llawdriniaeth i gael gwared ar lympiau cyffredin ar y croen, gan gynnwys lipomas, systiau, a thyfiannau croen diniwed. Gall hefyd dynnu llawer o ganserau croen, yn ogystal â chasewinedd (ingrowing toenails). Mae’n rhugl yn y Gymraeg ac yn hapus i ymgynghori yn Gymraeg neu’n Saesneg.

Mr Christopher Jones

Llawfeddyg Plastig, Adluniol (Reconstructive) ac Estheteg Ymgynghorol

Mae Mr Christopher David Jones yn Llawfeddyg Plastig Pen a Gwddf Ymgynghorol yn Ysbyty Whiston yn Lerpwl, gydag ymrwymiadau ychwanegol yn Ysbyty Gwynedd, Bangor. Mae wedi'i hyfforddi ac yn brofiadol iawn wrth drin a thynnu pob math o ganserau croen cymhleth. Mae hefyd yn ymarfer fel Llawfeddyg Estheteg yn Manchester Plastic Surgery yn Altrincham ac yn arwain y gwasanaeth Llawdriniaeth Gosmetig yng Nghlinig Meddygol Preifat Pennant.