Cwestiynnau Cyffredinnol
Gellir gwneud apwyntiadau trwy ein gwefan neu drwy ein ffonio. Rydym ni’n anelu at ymateb i negeseuon o fewn 24 awr (dydd Llun i ddydd Gwener).
Nid yw’n angenrheidiol cael llythyr atgyfeirio ond gall fod yn ddefnyddiol i ddarparu gwybodaeth ychwanegol. Mae rhestr o feddyginiaeth gyfredol bob tro yn ddefnyddiol.
Mae angen talu’n llawn wrth archebu apwyntiad trwy ein gwefan. Mae hyn yn sicrhau eich apwyntiad ac yn ein helpu i ddarparu'r gwasanaeth gorau i'n holl gleifion.
Byddwn yn cadarnhau pob apwyntiad a gweithdrefn a drefnir yn uniongyrchol trwy'r clinig dros e-bost a bydd y claf yn derbyn anfoneb dros e-bost wrth archebu, felly mae angen cyfeiriad e-bost dilys. Gellir talu'r anfoneb yn ddiogel trwy nodi manylion eich cerdyn trwy'r ddolen dalu a ddarperir. Rydym ni hefyd yn derbyn taliadau cerdyn a siec adeg eich apwyntiad.
Rhowch wybod i ni cyn gynted â phosibl os na allwch ddod i’ch apwyntiad. Byddwn yn gwneud pob ymdrech i gynnig dyddiad arall lle bo hynny'n bosibl.
Bydd unrhyw apwyntiadau a gaiff eu canslo mwy na 72 awr cyn yr apwyntiad yn derbyn ad-daliad llawn.
Bydd ffi canslo o 50% ar gyfer unrhyw apwyntiadau a gaiff eu canslo o fewn 72 awr i’r apwyntiad, neu os nad ydych yn dod i’r apwyntiad. Mae hyn yn berthnasol oni bai bod amgylchiadau eithriadol, yn ôl ein disgresiwn ni.
Rydym yn e-bostio llythyr crynhoi ar ôl pob ymgynghoriad. Gallwch argraffu'r llythyr i’w rannu gyda’ch ymgynghorydd cyffredinol (GP) neu gallwch basio’r e-bost ymlaen atynt.
Unwaith y byddwch yn dechrau triniaeth yn breifat, disgwylir y bydd eich gofal yn parhau ar sail breifat. Efallai y bydd rhai darparwyr GIG yn caniatáu i chi drosglwyddo yn ôl i ofal y GIG; fodd bynnag, mae hyn yn ôl eu disgresiwn nhw ac ni ellir ei warantu. Ni ddylai cleifion gymryd yn ganiataol y bydd gwasanaethau’r GIG yn cymryd cyfrifoldeb am ymchwiliadau, triniaethau, neu gamau dilynol parhaus a gychwynnwyd yn breifat.
Rydym yn argymell ystyried hyn yn ofalus cyn dechrau triniaeth breifat a thrafod unrhyw bryderon gyda’ch clinigwr ymlaen llaw.
Efallai y bydd modd i chi holi rhagor o gwestiynau, ond bydd angen ymgynghoriad arall i fynd i’r afael ag unrhyw faterion cymhleth. Bydd hyn yn dibynnu ar y clinigwr.
Gallwch gysylltu â’r clinig dros y ffôn, e-bost neu WhatsApp. Mae’r manylion ar ein tudalen ‘Cysylltu â ni’.